Deutsch | Rumantsch | Home | 
Bild
 
 

Biografia e svilup

Bild

Nada dal 1939 a Meran sco Elena Anna de Masi di Camposala, frequainta ella là las scoulas. Da creschüda, in giuvna età vain ella in Svizra. Cun fundar famiglia a Zernez dvainta Elena plan planet ün'Engiadinaisa cun corp ed orma.

 

In seis temp liber pittur'la sco hobi e sco egualisaziun da las lezchas da famiglia. Daspö 40 ons as dedich'la paschiunadamaing a la pittura. Ils prüms ons pittur'la sün lain e pür pü tard as svilupp'la seis agen stil cun culuors d'acril sün taila. Durant ils ultims 10 ons frequainta Elena divers cuors da fuormaziun, ingiua ch'ella imprenda a cugnuoscher diversas tecnicas da pittura cun culurs d'öli.

 

Dal 2006 realisesch'la ün sgrafit cun ün tun zuond persunal. Eir il lavurar cun metodas tecnicas sco p.ex. la litografia (il schmach classic sün crap), superesch'la cun fiduzcha e creatività. Sia fascinaziun per culurs e tuns feris as perfecziun'la cun üna lingia dinamica ed exprima sia experienza cun divers substrats, culurs e tecnicas.

 

Trais temas caracteriseschan sia lavur artistica. Las üsanzas engiadinaisas, chi sun furnituras dals motivs plain culurs, sco ils costüms, ils uorsins, ils bügls da cumün e las chasas engiadinaisa, chi'd es il punct da cumainzamaint in sia actività aristica. Sia affinità per culurs fermas e composizuns equilibradas ma eir originalas, mainan ad ella sur szenas da cuntradas, flora e fauna (il muond meraviglius da la natüra) fin via sün ouvras abstractas. Cun nouvs materials, chi per part portan ün effet sculpturistic in sias ouvras d'art, chatta Elena adüna nouvas vias per exprimer sia creatività.  

 

Dasper la pittura flia Elena gugent il contact cun persunas creativas e s'inspira aint illa natüra fond gitas.


 

Elena Denoth - Art Engiadinasia - CH-7530 Zernez